DHARMA WACANA "PUTRA SUPUTRA PINAKA DASAR NGELESTARIAN BUDAYA BALI"

PUTRA SUPUTRA PINAKA DASAR NGELESTARIAN BUDAYA BALI

Inggih suksma ring ugrawakya antuk galah sane katiba ring sikian titiang.

Bapak Dosen sane wangiang titiang lan para mahasiswa sane tresnasihin titiang. Sedurung titiang ngelanturang Dharma Wecana puniki, lugrayang titiang nunas ica majeng ring Ida Sang Hyang Widhi Wasa, duaning pasuecan Ida, wenten sajeroning rahayu, rahajeng ring genahe puniki , melarapan antuk ngaturang pangastungkara panganjali.

OM SWASTYASTU

Inggih ratu ida dane sareng sami sane kasumayang titiang, ring rahine mangkin titiang jagi ngelanturang indik Dharma Wecana sane mamurda “Putra Suputra Pinaka Dasar Ngelestarian Budaya Bali.”

Inggih, ratu ida dane sane wangiang titiang, nganinin indik Putra Saputra sane mangkin tegesang titiang “Suputra” mawit saking kruna “Putra” polih pengater “su”. “Putra” mapiteges “Oka” utawi “Pianak”, “su” mapiteges “becik” utawi “luih”. Dados ipun suputra mapiteges putra utawi oka sane pinih becik. Madue putra suputra pinaka harta sane pinih utama, nenten wenten nyaingin ring jagate, sane prasida nyinggihin Catur Guru, minakadi: Guru Rupaka inggih punika rerama utawi orang tua, Guru Pengajian inggih punika gura sane wenten ring sekolah,  Guru Wisesa inggih punika pemerintah, lan Guru Swadhyaya inggih punika Ida sang Hyang Widhi Wasa. Ratu  ida dane sane wangiang titiang, tegesan titiang malih sane kabaos putra sane kaucap putra suputra punika mangda prasida ngelaksanayang sane kabaos Tri Kaya Parisudha sane mungguh ring Sastra Agama. Tri Kaya Parisudha inggih punika ajahin dharmaning agama Hindu sane kawangun antuk tigang kruna inggih punika, kruna “Tri” mapiteges” Tiga”, “Kaya” mapiteges “Gerak” utawi “Parilaksana”, lan “Parisudha” tegesnyane “parilaksane sane kasuciang”. Dados ipun Tri Kaya Parisudha inggih punika tiga parilaksana sane pinih becik utawi luih. Tiga Parilaksana punika minakadi:

·         Manacika Parisudha inggih punika manah sane becik ring sejeroning mapikayun sane kaanggen menginstropeksi diri ring.

·         Wacika Parisudha inggih punika mebaos sane becik-becik. Sane nenten  ingkar ring satya wecana. Sedurung iraga mebaos sane becik, sepatut nyane iraga ngangge manah utawi pikiran. pang prasida ngemolihan sane bacik .

·         Kayika Parisudha inggih punika parilaksana sane pinih becik tur prasida ngelaksanayang sane kabaos Dharma Agama lan Dharma Negara.

            Dharma Agama inggih punika swadharmaning i manusa mangda pateh  saking sastra-satra agama sane nuntun iraga sareng sami maparilaksana sane becik. Sekadi sane kabaos Tri Hita Karana, minakadi:

1.      Parahyangan inggih punika keharmonisan manusa sareng Ida Sang Hyang Widhi

2.      Pawongan inggih punika keharmonisan manusa sareng manusa

3.      Palemahan inggih punika keharmonisan manusa sareng lingkungan

Dharma Negara inggih punika swadarmaning i manusa mangda pateh saking awig-awig guru wisesa sane becik. Sane ngaenan jagate puniki rahayu lan rahajeng. Dharma Agama lan Dharma Negara punika mangda prasida ngiket para yowanane ring sajebag jagate puniki sane prasida ngajegin Budaya lan Adat Istidat agama Hindu ring Desa Pekraman.

Inggih ratu ida dane sane banget wangiang titiang, ring galahe sane becik puniki banget pengidih titiang mangda ratu ida dane medue Putra Suputra sane dados dasar ngukuhin Agama lan Budaya Bali. Mangda prasida nyidayang maparilaksan sane pateh ring sastra-sastra agama pinaka penerus utawi pengwaris keluwarga sane becik.

Inggih ratu ida dane sane wangiang titiang, sekadi tetujon ring guru wisesa sane nganinin indik Kulwarga Berencana apang prasida ngemolihang Putra-putra sane Suputra. Dumogi antuk putra saputra puniki prasida ngelestarian Budaya Bali. Para yowana puniki mogi-mogi madue pikayun sane becik anggen ngelestarian Budaya Bali umpami: melajahin nyurat lan ngwacen aksara Bali, mekakawin, mekidung, teler medharama wecana sekadi mangkin. Nganinin indik punika ngiring iraga sareng sami, sikiang kayune antuk ngelestarian budaya Bali. Mangda nenten iraga meneng ring Bali, nenten uning ring budaya Bali.

Inggih ratu ida dane sinamian sane wangiang titiang, wantah asapunika sane prasida atur titiang. Mogi-mogi titiang sareng ratu  ida dane sinamian setate ngemolihang kerahejengan lan kerahayuan. Kelungkung Semarapura, kirang langkung titiang nunas geng rena sinampura. Pamuput titiang ngaturang paramasanthi.

OM SANTHI, SANTHI, SANTHI, OM